Literacy-hendingar 08.01.20

Literacy-hendingar 08.01.20

06:15 - Sjekka messenger gruppesamtale. Emote-reaksjoner.


07:45 - Bibliotekbesøk. Nytta søkebase. Leste på hyllene og tittlane i desse for å finna fram

til rett bok. Brukte utlånsautomaten, fekk kvittering.


08:05 - WhatsApp-samtale. Bilete og tekst. Dialekt i 1 til 1 samtalen, engelsk i gruppesamtalen.


08:10 - Studieøkt i biblioteket, ca 90 min. Organisering på chromebooken, flytting og

oppretting av dokument. Lesing av pensumlitteratur (analogt), notering på

chromebooken.


09:40 - Pause med mat, lesing av WhatsApp og Twitter.


10:00 - Studieøkt i biblioteket. 50 min. Lesing av pensumlitteratur (analogt) og notering (digitalt).


11:15 - Sendte WhatsApp-melding. Dialekt.


11:35 - Sjekka WhatsApp, Instagram og Facebook. Ca. 15 min.


12:00 - Studieøkt heime. 30 min. Analog lesing og digital notering.


12:50 - Googla "wow classic warrior aoe taunt". Fann ein 10 punkt tanking guide, som eg leste i sin heilskap. (wow står for World of Warcraft og tank er ein rolle ein kan ha i ei gruppe med andre spelarar)


13:00 - Sjekka Snapchat. 1 min.


13:40 - Messenger gruppesamtale. Engelsk. 1 min.


14:00 - Studieøkt. 30 min. Lesing av artikkel på skjerm.


14:30 - Blei sittande og googla rundt den nyleste artikkelen. Forfattarane. Journalen, m.m.

30 min, inkludert ein liten Twitter-digresjon som følge av navnesøk på forfattarane.


15:00 - WhatsApp 1 til 1. 1 min. Dialekt.


15:05 - Twitch (streaming av dataspel) som sekundæraktivitet under klargjering på badet. 10 min.


15:30 - WhatsApp. 1 til 1. Dialekt.


16:00 - Treningsøkt. Nytt apparat med nytt grensesnitt på touch skjerm og informasjonskilt i lokalet (ikkje spray antibac på skjermen!). Interaksjon med sambuar kring desse.


17:30 - WhatsApp. Gruppesamtale. Engelsk og emojis.


18:00 - 1 episode TV-serie (teksta). 1 time.


19:00 - Twitch som sekundæraktivitet på badet.


20:00 - Spelte World of Warcraft. ca. 70 min. Lesing av quest-tekst. Kommunikasjon med andre spelarar. Orientering etter kart. Orientering rundt karakteren, styrke, evner etc.


21:30 - 1 episode TV-serie (teksta). 1 time.


22:30 - Tasting på telefonen. Googling av strategier og info kring WoW. Sosiale media.

Thick description Goethe

Tidleg i januar fekk me, studentane i faget Læring og literacy i digitale omgjevnader, i oppgåve å logga literacy-hendingane i livet vårt over eit døgn. Dette var ei øving i seg sjølv, ein måte å bli medviten om på kor mange nivå literacy er ein faktor i liva våre, i tillegg til å vera eit grunnlag for arbeid videre i faget, gjennom at me gjennomførte kvart vårt intervju av ein medstudent, og transkriberte dette, basert på loggen over deira literacy-døgn.

Fokuset i dette intervjuet var på mobilbruk og digital kontra analog lesing og skriving. Eg arbeida etter ein intervjuguide som me hadde utarbeida i eit lite forskerteam, beståande av meg sjølv og to medstudentar, der me hadde blitt samde om denne felles tråden for dei respektive intervjua me skulle gjennomføra av kvart vårt intervjuobjekt.

Mitt intervjuobjekt var Goethe, ein fulltids- masterstudent i nordisk og lesevitenskap på førti pluss, som er bokmann på sin hals. At han er ein bokmann har han sagt sjølv under laust snakk rundt intervjuet, og i etterkant valgte han også sjølv aliasen Goethe, eit forfattarnamn med ikkje reint lite tyngde. Altså er det å kalla Goethe for ein bokmann ikkje noko som berre er basert på mine eigne observasjonar, men også ein identitet han synest å eiga sjølv. Nettopp denne “bokmann”- identiteten synest eg var interessant å sjå korleis gjorde seg gjeldande i intervjuet, godt hjulpet av fokuset på mobil og digital kontra analog lesing i intervjuguiden.

For det fyrste blei det fort tydeleg at Goethe bruker telefonen mindre, eller i alle fall til færre ting, enn det eg sjølv gjer og det eg tenkjer på som vanleg, utan at det er intendert nokon vidare verdilegging eller ideologi i det. Eg er omlag ein generasjon yngre enn han, som kan vera ein relevant faktor når det gjeld mobilvaner, og bruker mobilen til alt mogleg frå sosialisering og underhaldning til å halda meg oppdatert på Canvas, lesa artiklar og ordna praktiske ting som delt handleliste med sambuaren og lading av bil. Den er og vekkerklokka mi, men det er svært sjeldent eg ringer eller sender SMS.

Til samanlikning, seier Goethe at telefonen har “veldig liten plass” i kvardagen hans, og det stemmer nok. Han bruker telefonen stort sett berre til å ringa og senda SMS, er ikkje på sosiale media og om det skulle tikka inn ein e-post (noko han presiserte at var ein feil grunna at han har fått ny telefon), så plar han å skifta til PC for å lesa den. Han har og ei eiga vekkerklokke, så heller ikkje her figurerer mobiltelefonen.

Kva så med anna skjermbruk? Her er han ein meir aktiv brukar, og særleg PCen har ein sentral rolle. Hovudfunksjonen til datamaskinen, i følgje han sjølv, er som eit verktøy til å notera på når han les og til å organisera og gjera søkbar den etter kvart ganske store samlinga notatar på bøker han har lese opp gjennom åra. I tillegg har han eit nettbrett som han bruker som notatblokk i forelesninger, for så å senda desse notatane til seg sjølv på e-post. Han nevner at han eigentleg kunne tenkt seg å gjera alt på papir, men siden PCen har denne styrken når det gjeld organisering og søkbarhet, blir det for upraktisk å halda seg til papiret når notata hans kan ha eit omfang på alt frå 12 til 60 sider.
 

Allereie her kan me ana “bokmann”-identiteten som blei nemnt innledningsvis. Han er klart ein mann som set papiret og lesing (på papir, helst bøker) høgt, noko som også blir tydeliggjort gjennom at det kjem fram at han har ein svært stor boksamling, som er “nøye utvalgt og som eg bruker mykje tid på”. Han fortel også at han kjøper veldig mykje bøker.

Goethe framstår i det heile som ein svært fagleg interessert mann med eit veldig aktivt forhold til tekster, særleg i bokform, eit inntrykk som går som ein raud tråd gjennom intervjuet, etter mitt syn.

Ein annan interessant praksis som Goethe har, som også er med på å gjeva eit inntrykk av ein fagleg interessert bokmann, er at han har eit papirarkiv i tillegg til det digitale notatarkivet. Eit papirark blir og nytta som eit slags skjold (mine ord) mot distraksjonar når han les (igjen, helst på papir, gjerne utskrift av artikler på nett). Her noterer han ned alt som freister å leita opp mens han les, det vera seg ord, namn eller vidare tråder å følgja. Deretter bruker han pausen til å googla det som hamna på arket. Han seier sjølv at dette er for å halda ein jamn flyt i leseøkta, utan avbrot av google-søk med medhøyrande freistnader til å følgja sidespor.

Her kan me sjå korleis papirarket har ein praktisk rolle som reiskap under studieøkta, men det einslege A4-arket har også ei anna rolle som eg merka meg som interessant. Då skal me tilbake til det tidlegare nemnte papirarkivet som Goethe har i tillegg til det store digitale arkivet med notatar. Goethe har nemleg den praksisen at etter å ha lest ei bok forsøker han å “tvinga” (hans ord) heilskapen inn på eit handskreve A4 ark. Det er to aspekt ved dette som framtrer som interessante for meg; det eine er korleis han i kunnskapservervingsprosessen går frå det analoge, til det digitale, for så og oppsumera i eit analogt format igjen. Det andre interessante aspektet er korleis A4-arket opptrer som ei fysisk grense, eller ramme, som kjerna av det han har lest skal inn i, altså korleis det siste oppsummeringsnotatet blir styrt av arket sin fysiske form, og korleis tankane skal få plass innanfor denne.

Oppsummert, er mitt inntrykk at sjølv om Goethe har ein sterk forkjærleik for papiret, opptrer analoge og digitale medium i skjønn foreining i hans literacy praksis, særleg om ein ser på det faglege, som har fått ein ganske sentral rolle både i intervjuet og loggen hans. Den digitale teknologien har styrker som den papirbaserte ikkje har, særleg når det gjeld tilgang til enorme mengder informasjon, lagringskapasitet, organisering og søkbarhet, samstundes som papiret kan fungera som eit anker slik at ein ikkje driv avgarde i impulshavet og som ein fysisk ramme for tanken. Med andre ord, kan ein seia at papiret og skjermen utfyller kvarande i denne literacy praksisen. 

Byrjinga

Byrjinga kjem fyrst.

Før resten.

Her kjem den til å vera sist.